Astero legez, Argia astekariari begira jarri gara. Ohiko dugun moduan Lander Arbelaitz Argiako kazetaria izan dugu bide lagun. Eduki guztietatik hiru aipatu dizkigu. Lehenengoa azalean ageri dena ekarri du, Lorena Cabnal indigena feminista Maya elkarrizketatu baitute. Bestetik Kongoko errepublikan dagoen gatazkaren inguruan erreportajea. Bukatzeko Jurramendin 1976an geratutakoren inguruko erreportajea dakar Argia astekariak.
Greenpeace erakundeak TTIP delako itunaren inguruan gertatu diren filtrazioen berri eman duenez geroztik, hainbat albiste eta zurrumurru zabaldu dira bazterretan gaiaren inguruan. Zer den egia eta zer gezurra jakin nahian, Joseba Barandiaran ekonomialariarengana jo dugu gaurko irratsaioan, bere bertsioa eman diezagun eta, bide batez, ozeanoaz bi aldeetako esportazioari ateak irekitzen […]