Haizeteak autoen gainera bota du arbolatzar bat Bergarako hilerri ondoan

Eneko Azkarate 2017ko uzt. 18a, 18:39

Haizete bortitzak hainbat triskantza sortu du Bergaran. Arbolak bota ditu eta kaleko edukiontziak mugiarazi ditu, zenbait kasutan lurrera botaz. Hilerrian arbola bat bota du haizeak; Ortuibarren errekara beste bat. Bestalde, Agorrosingo kanpoko igerilekua desalojatu egin behar izan dute, haizeak sor zitzakeen kalteak saiheste aldera.

"18:00ak aldera gertatu da. Igerilekua jendez beteta zegoen, baina ohartarazi digute hustu beharra zegoela, haizetea zela-eta; berehala, huts-hutsik geratu da", adierazi dio Goienari une horretan Agorrosingo kanpoko igerilekuan zegoen erabiltzaile batek. Barruko igerilekura eroan dituzte erabiltzaileak.

Bero handiko eguna izan da gaurkoa. Agorrosingo igerilekua bete-bete zen arratsaldean. Gaur, gainera, ur-txorroak ipini dituzte txikienentzako ondoko Ipintzako futbol zelaian. Baina, haize bortitza zela-eta hustu egin dute igerilekua, berehala. Tenperatura freskatu egin da, hamar bat gradu, denbora tarte laburrean.

Haizeak hainbat arbola bota ditu. Kalte handienak hilerri ondoko aparkalekuan eragin ditu. Autoen gainera erori da zuhaitz handi bat, autoak kaltetuz. Suhiltzaileak eta udaltzainak lanean aritu dira arbola kentzen. Ortuibar kalean ere errekara bota du haizeak arbola bat; eta Lasa jatetxearen lorategian beste bat, hau ere Deba ibairantz.

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak