Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Dantza Coliseoan: Iker Gomez: Sylphides Pi Cia, El bosque del beso

Dokumentuaren akzioak

Dantza Coliseoan: Iker Gomez: Sylphides Pi Cia, El bosque del beso

2015eko maiatzaren 1ean, 20:30etan, Eibarko Coliseo Antzokian. Sarrera 7 €

Iker Gomez: El bosque del besoMuxuen metafora inspiraziotzat hartuta El bosque del beso ikuskizuna dakarkigu Iker Gomezek Coliseo antzokira. Elkar muxukatzen duten gorputzek, Marylin Monroek, dantza egiten duten ahoek, eta Besame mucho abestiaren 7 bertsiok elkarlanean osatzen dute umorez bustitako ikuskizun hau.

Eibartarra da Iker Gomez, Juanita Unzuetaren Ballet Eibarresen hasi zen dantzan eta dantza ibilbide profesionala kanpoan burutzen ari da. Orain bost urte Coliseo antzokian izan zen Absurdo lanarekin.  

Sylphides Pi Cia proiektuan baitan kokatzen da El bosque del beso ikuskizuna. Ikusle eta sortzaileen arteko harremanak bideratzen ditu Iker Gomez-ek proiektu honen bidez, bai antzokian eta bai internet bidez parte hartzea bideratuz. 

El bosque de beso

  • Zuzendaritza, koreografia eta bideoa: Iker Gomez.
  • Koreografia laguntzailea: Eva Martinez.
  • Jantziak: Ines Rodriguez, Funizione.
  • Musika: Frederic Chopin, Bigorringo.
  • Argiztapena: Fernando A. Rodrigez.
  • Argazkia: Borja Suarez Lazaro Galdiano, Miguel Angel Garcia.
  • Dantzariak: Eva Martinez, Paula Perez, Baldomero Ruiz, Sofia Valentin, Fernando Careaga y Maria Cano.

 

Iker Gomez: Sylphides Pi Cia, El bosque del beso.

2015eko maiatzaren 1ean, 20:30etan.
Eibar, Coliseo Antzokia. Sarrera 7 €
Sarrera interneten erosteko hemen

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com