Astronomia tailerrak umeentzat

Aurten, Eskoriatzako Udalaren kultura departamentuak antolatuta, hainbat tailer egingo ditugu Aranzadi zientzia elkarteko astronomia sailaren laguntzarekin, zientziara gertuko gauzetatik eta egunerokoetatik hurbiltzeko, kontzeptu edo fenomeno astronomikoak ulertzen laguntzeko eta gazteen jakinmina eta zientziarekiko interesa pizteko helburuarekin.

Lehenengo tailerra, mikrometeoritoei buruzkoa, urtarrilaren 21ean, igandea, egingo da, arratsaldeko 18:00etatik 20:00etara, Kultur etxean.

Zergatik desagertu ziren dinosauroak? Zer dira izar euriak? Zein da meteorito, meteoro eta meteoroideren arteko desberdintasuna? Non aurkitu ditzakegu mikrometeoritoak?

Tailer honetan guzti horretaz ikasiko dugu, mikrometeoritoak bilatu eta mikroskopio batekin identifikatuko ditugu.

Umeak eurak bakarrik parte har dezakete tailerrean, (adin gomendatua: 8-13 urte) eta nahi izanez gero, familian ere bai.  Tailerraren prezioa 5 eurokoa da, eta plaza mugatuak dira.

Tailerrak hilero egingo dira, eta ez dute elkarrekin zerikusirik izango; beraz, bakoitzak bere gustukoak aukeratu ahal izango ditu. Hilabete honetakoa egindakoan, eta bertara joandakoen interesen arabera, hurrengo hilabeteetarako programa egingo da.

Eguna: Urtarrilak 21, igandea

Ordua: 18:00

Iraupena: 2 ordu

Adin gomendatua: 8-13 urte

Prezioa: 5€

Izen ematea: Kultur etxea. 943 71 46 88