Nire hipotekaren eratze-gastuak berreskura ditzaket?

07/04/2017

 

La Oficina de Información al Consumidor de Oarsoaldea nos da las claves

 

nire hipotekaren eratze-gastuak berreskura ditzaket_

 

Hipoteka bat eratzeak hainbat gastu eragiten ditu, hala nola, notarioaren zerbitzuak, Jabetzaren Erregistroko inskripzioa eta Agiri bidezko Egintza Juridikoen Zerga, besteak beste. Baina nork ordaindu behar ditu kopuru horiek?  

Hipoteka-maileguen kontratuetako batzuek, berez jasotzen dute, bertako baldintza orokorretan, mailegu-eskatzaileek beren gain hartu behar dituztela hipoteka formalizatzeko eta eratzeko gastu guztiak.

Auzitegi Gorenak, 705/2015 epaian, abusuzkotzat eta, beraz, deuseztzat eman zuen era horretako klausula bat eskainitako hipoteka batean. Honenbestez, finantza-entitateak itzuli egin behar zuen kontzeptu horiengatik kobratutako dirua. Halaber, kontratuetatik klausula hori ezabatzeko eta etorkizuneko hipoteketan ez erabiltzeko agintzen zion ebazpen judizialak bankuari.

Nola jakin dezaket nire hipotekak abusuzko klausula bat duela?

Abusuzko klausularik egonez gero finantza-entitateari erreklamatzeko jarraibideak ematen ditu Kontsumobidek:

Lehenengo urratsa hipoteka-maileguaren eskritura irakurtzea da, eta gastu horien ordainketa nori esleitzen dion begiratzea.

Higiezin bat erosteko hipoteka bat eskatzen duzunean, bi eskritura sinatzen dituzu: salerosketakoa eta hipoteka-mailegukoa. Azken hori aztertu behar duzu, gastuen % 100 bezeroari egozten dizkion klausularen bat dagoen konprobatzeko.

Kontratu askotan bosgarren klausula gisa azaltzen da, adibidez:

"Mailegu-hartzailearen kontura dira, esklusiboki, hauek eragindako tributuak, komisioak eta gastuak: eskriturak prestatzea, formalizatzea, zuzentzea, izapidetzea (...) kontratua betearaztea,  kontratutik eratorritako ordainketak eta itzulketak, eta haren bermea eratzea, kontserbatzea eta kitatzea; horrez gain, haren kargura izango dira kalteen aseguruari dagozkion primak eta gainerako gastuak (…)”.

Kasu honetan, gastu guztiak ordaintzera behartzen du kontratuak bezeroa, nahiz eta, aplikatu beharreko araudiaren arabera, bankuak alderdien artean "banaketa ekitatibo bat" egitea aukera zezakeen.

Auzitegi Gorenaren iritziz, finantza-erakundeak bere aldetik jarritako klausula horrek “desoreka garrantzitsua” eragiten dio kontsumitzaileari; izan ere, ez zukeen gastu horiek bere gain hartzea onartuko baldintzak indibidualki negoziatu ahal izan balitu.

Zer dokumentu bildu behar ditut?

Dokumentazio hau jaso behar duzu, gutxienez:

  • Hipotekaren eskritura.
  • Notarioaren faktura.
  • Jabetza Erregistroaren faktura.
  • Agiri bidezko Egintza Juridikoen Zergaren ordainagiria.

 

Nola jokatu behar dut nire hipotekak horrelako klausula bat badu?

Lehenengo, harremanetan jarri behar duzu finantza-erakundearekin eta erreklamazio bat aurkeztu. Hipotekaren gastuak erreklamatzeko eredu hau deskargatu, bete, eta zure banku edo aurrezki-kutxan aurkez dezakezu. Klausulak deuseztzat jo diren arren, entitateek ez dituzte kopuruak ofizioz itzultzen.

Erantzuten ez badizute, edo erantzuna egokia ez bada, hauetako bat aukera dezakezu:

  • Kontsumobiden erreklamazio bat aurkeztea. Kontsumoko Euskal Institutuak bitartekotza egingo du, alderdien artean akordio batera iristeko. Bankuek edo aurrezki-kutxek administrazioko arau-hausteren bat egin izanaren zantzuak aurkituz gero, zehapen-prozedura bati ekin diezaioke. Bide horrek emaitzarik ez badu, demanda judizial bat jarri ahal izango duzu.
  • Zuzenean demanda bat jartzea. Bide judizialera jo dezakezu, zeure aldetik edo kontsumitzaileen eta erabiltzaileen elkarteetako baten bitartez. Elkarteetako batzuek kanpainei ekin diete ahalik eta kaltetu gehien biltzeko, demanda kolektibo bat aurkezteko asmoz.

 

    Edozein zalantza edo argibide gehiago behar izanez gero, jar zaitez harremanetan Oarsoaldeako Kontsumo Bulegoarekin 943 510 111 telefonoan edo kontsumo@oarsoaldea.eus helbidearen bitartez. Bulegoa Olibeten dago, 6.zenbakian, Errenteria eta arreta-ordutegia honako hau da: 8.30-14.30.

     

    KONTSUMOBIDE

    Easo kalea, 10

    20006 Donostia

    943 022 547

    www.kontsumobide.euskadi.eus

    EKA-ACUV Asociación de Consumidores y Usuarios Vascos

    Pº de los Fueros, 5- Entlo. D

    20005 Donostia

    943 423 993

    donostia@eka.org

    EHKB-UCE Euskal Herriko Kontsumitzaileen Batasuna

    Idiakez, 2- 1º

    20004 Donostia

    943 431 124

    uce-donostia@kontsumo.net

    ADICAE Asociación de Usuarios de Bancos, Cajas de Ahorro y Seguros

    Hurtado de Amezaga, 27- 11ª. Oficina 7

    48003 Bilbao

    944 054 238

    euskadi@adiace.net

     


    Oarsoaldea