"IA dena" jardunaldia, adimen artifizialaz hausnartzeko

Galdera batzuen inguruan antolatu du jardunaldia Dinamoak. Hona batzuk:

• Zer daki egiten adimen artifizialak?
• Badaki euskaraz egiten adimen artifizialak?
• Zer sentitzen du adimen artifizialak?
• Zerk egiten du hain erakargarri adimen artifiziala?

Galdera hauen eta beste batzuen inguruan, "adimen artifizialari buruz hausnartzeko eta hitz egiteko" antolatu dute jardunaldia. "Galderak egiteko, erantzunen batzuk entzuteko, eta seguru asko galdera berriak uzteko aidean".

Ekainaren 17an larunbatarekin bi partetan gauzatuko da jardunaldia, Azpeitian. Goizekoa Dinamoa Sormen Gunean izango da, eta doan den arren, izena eman behar da. Arratsaldekoa Soreasu Antzokian izango da, doan eta sarrera librekoa.

Goizeko egitaraua

• 10:00 Aurkezpena (Kulturaz kooperatiba)
• 10:15 Josu Aztiria (Orai-Elhuyar Fundazioa): Adimen artifizial sortzailea: guztia aldatu berdin jarraitzeko?
• 10:45 Rosa Basagoiti (Mondragon Unibertsitatea): Datu meatzaritza, sormena eta aplikazioak
• 11:15 Martin Etxauri Txo!? (Artista): Adimen artifizialaren argilunak jardun artistikotik
• 11:45 Atsedenaldia
• 12:00 Mahai ingurua: Adimen artifizialaren ertzak (Moderatzailea: Kulturaz)
  • Irati Berasategi (Fisikan gradua. Filosofia, Zientziak eta Balioak masterra)
  • Inigo Martinez Peña (Filosofian lizentziaduna. Batxilergoko irakaslea)
  • Aitzpea Leizaola (Antropologiako irakaslea EHUn)
  • Gorka Azkune (Informatikaria. EHUko irakaslea eta ikertzailea)
• Jon Sanchezek (New Media ikertzailea eta sortzaileak, eta CAF-Elhuyar Sorkuntza bekaren jasotzailea) Semiosi-genesi proiektua jarriko du abian.

Arratsaldekoa

• 17:00 Gaizka Izagirre (Zinema kritikaria). Androideak eta ardi elektrikoak: adimen artifiziala film eta telesailetan
  17:30 Bera (Her) filmaren emanaldia, euskarazko azpitituluekin
• 19:30 Amaiera

Informazio gehiago hemen. 17ko goizeko jardunaldian izena emateko, hemen.