Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 1 urria, 2019 Digitalizazioa Enpresa digitala Industria adimenduna Smart Industry Programa

Liderrak Lantegi Adimendunean trebatzeko promozio berri bat abiatu da

IMHren Digital Manufacturing Masterrak prestakuntza eta enpresa industrialetarako lan-kontratua uztartzen ditu

IMHren Digital Manufacturing Masterrak prestakuntza eta enpresa industrialetarako lan-kontratua uztartzen ditu

Industria Lantegi Digitala deritzon kontzepturanzko eraldaketa betean murgilduta dago, eta 4.0 Industriari lotutako aldaketak eta teknologiak menperatzeko gai diren profesional espezializatuen profil berriek gero eta eskari handiagoa dute euskal enpresen artean. Behar honi erantzuteko, IMH Makina Erremintaren Institutuak Digital Manufacturing Unibertsitate Masterra sortu zuen 2018an, euskal enpresa industrialen lankidetzaz.

 

Izaera duala da master honen ezaugarri nagusietako bat, izan ere, prestakuntzarekin batera, lan-kontratua ere eskaintzen du enpresa laguntzaileetan. Prestakuntzari dagozkion bi urteetan, ikasleek lan-jardunaldiaren % 50 enpresa laguntzaileetako batean betetzen dute. Hauexek dira enpresa laguntzaileak: Alcorta Forging Group, Danobat S.Coop, Geminis Lathes, GMTK, Remote Monitoring Services, Ikergune, IMH FUNDAZIOA eta Loire-Gestamp.

 

Master honen bigarren promozioa abiatu berri da, eta lehen mailako ikasleek Ingeniaritza arloko Soluzio Integralei buruzko ikasgai-multzo batekin eman diote hasiera prestakuntzari, Tecnaliako adituen eskutik. Bestalde, lehen promozioko ikasleek bigarren maila hasi dute Vicomtech eta Ekideren egoitzetan, Ikusmen Artifizialari buruzko prestakuntzarekin.

 

Industriaren eraldaketa digitala bultzatzeko gai diren “4.0 liderrak” prestatzea da masterraren helburua. Horretarako, ikasleek diziplina anitzeko ezaguerak hartzen dituzte, baita 4.0 Industriaren inguruneko teknologiek planteatzen dituzten erronkei erantzuteko moduko prestakuntza praktikoa ere.

 

Digital Manufacturing unibertsitate master duala UPV/EHUri atxikitako titulu ofiziala da. Prestakuntza IMHn, Tecnaliaren Donostiako egoitzan, Elgoibarko IK4-IDEKO zentro teknologikoan, Zamudioko Aeronautikako Fabrikazio Aurreratuko Zentroan, Ekiden eta Vicomtechen ematen da.

 

IMH Makina Erremintaren Institutua Eusko Jaurlaritzaren menpeko Lanbide Heziketako zentro integratu publikoa da, Zientzia, Teknologia eta Berrikuntzaren Euskal Sareari atxikitakoa.

 

IMH, el Instituto de Máquina Herramienta es un centro integrado de Formación Profesional público perteneciente al Gobierno Vasco y forma parte de la Red Vasca de Ciencia, Tecnología e Innovación.

Lotutako albisteak

27 Marzo, 2024 Digitalizazioa
BAICek Euskadiko Adimen Artifizial Aplikatuaren lehen kongresua antolatu du maiatzean
Irakurri gehiago
26 Marzo, 2024 Digitalizazioa
Sitab, digitalizazioarekin arrakasta lortu duen barne-espazioen fabrika
Irakurri gehiago
25 Marzo, 2024 Digitalizazioa
Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza
Irakurri gehiago
25 Marzo, 2024 Digitalizazioa
4GUNEk eta BRTAk bat egin dute Euskadiko enpresetan eraldaketa digitala sustatzeko prestakuntza-programa eskaintzeko
Irakurri gehiago
21 Marzo, 2024 Digitalizazioa
Adimen artifizialak errazten duen berrikuntza autonomoa, Innobasqueren 2024ko prospektiba txostenaren ardatz
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak