Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 2 abendua, 2019 Digitalizazioa Enpresa digitala

Bilbo bideojokoaren nazioarteko hiriburutzat berretsi duen Fun & Serious jaialdiaren IX. edizioaren aurkezpenean parte hartu du SPRI Taldeak

Bideojokoaren sektorea prestatzen hasia da nazioarteko hitzordurik garrantzitsuenetako bat ospatzeko: Bilbon antolatzen den Europako gamer jaialdirik handiena, aurten Suedia ohorezko herrialde gonbidatua izango duena

Bideojokoaren sektorea prestatzen hasia da nazioarteko hitzordurik garrantzitsuenetako bat ospatzeko: Bilbon antolatzen den Europako gamer jaialdirik handiena, aurten Suedia ohorezko herrialde gonbidatua izango duena

Aitor Cobanera SPRIko Teknologia eta Berrikuntza arloko Zuzendariak aurkeztu du Bizkaiko hiriburuko BBK aretoan Fun & Serious Festival 2019 jaialdiaren IX. edizioa, abenduaren 6tik 9ra bitartean (ostiraletik igandera) Bilbao Exhibition Centren antolatuko dena. Nazioarteko ekitaldi honi esker, Bilbo bideojokoaren nazioarteko industriaren erdigunean kokatuko da berriro ere.

 

Ekonomiaren Garapen eta Azpiegitura Sailaren izenean, SPRIko Teknologia eta Berrikuntza arloko Zuzendariak, gainerako erakunde antolatzaileen ordezkariekin batera, arreta berezia eman dio aurkezpenean, eremu ludikoaz harantzago industriari zein prestakuntzari dagozkien maila eta konplexutasun goreneko soluzioak eta zerbitzuak garatzen dituen sektore honen izaera industrialari, betiere kontuan izanda Estatuan bi digitutako urteko hazkudeak izan ohi dituela eta iaz % 12,6 gora egin zuela, 1.530 milioi euroko fakturazioa lortuz.

 

“Erabateko Artea”, halaxe definitzen baitute bideojokoen sortzaileek ludikotasuna, dibulgazioa zein negozioa uztartzen dituen jarduera-eremu hau, ikusgai izango da berriz ere Fun & Serious jaialdiaren eskutik, BECeko 2. Pabilioian aurtengo ediziorako prestatu den 16.000 metro koadroko azaleran, eta 400 pertsonarentzako lekua duen auditoriumean, VIT Talks eta GIF Forumeko hitzaldiak eta agerraldiak antolatuko dira, indie eszenaren berritasunik bitxienak, workshopak eta manga edo retrogamer eremuak eta bestelako proposamenak bilduko dituen erakusketa-eremu zabalaz gain.

 

Kopuru arras finkatuak dituen ekitaldi honek 40.000 pertsona erakarri zituen aurreko edizioan, eta horietarik % 25 mundu osotik etorritakoak ziren, sarreren aldez aurreko salmentak 2017koa bikoiztu zuelarik. Enpresen parte-hartzeari dagokionez, 1.100 konpainia baino gehiago bertaratu ziren, jaialdiak negozio-lekutzat eta enpresen arteko sinergiak lantzeko topagunetzat duen garrantzia berretsiz.

 

Erakarpen handiko imana da garatzaileentzat, inbertsiogileentzat eta bideojokoari lotutako Zuzenbide, Marketin, Psikologia eta bestelako arloetako profesionalentzat eta sortzaileentzat; baita zaletuentzat, jokalarientzat, kuxkuxeroentzat, lehiaketen sustatzaileentzat, eduki digitalen sortzaileentzat eta youtuberrentzat ere… izan ere, gizaki eta erakundeen arteko ekosistema honek sektorearen globaltasuna eta garrantzi kultural eta ekonomikoa islatzen ditu.

 

Jaialdiak ohorezko saridunen kopurua handitu dute aurten, sektoreko lau erraldoiren talentua aldarrikatuz: Yoko Shimomura konpositore japoniar ikoniko eta emankorra, “The Last of Us” eta “Uncharted” saga diseinatu dituen Bruce Straley estatubatuarra, idSoftwareko zuzendari ohi eta Sber Enterntainmenteko egungo komunikazio zuzendari Tim Willits, eta Greg Street, sektorean aitzindaria den Riot Games konpainiako presidenteordea. Den-denek jaialdiaren amaierako galan jasoko dituzte abenduaren 9an, astelehenez, ohorezko sariak, Bilboko Campos Eliseos Antzokian.

 

Ekintzailetzak, negozio-aukerek, topaketek, prestakuntzak, inspirazioak, proiektu handiek eta hauei dagozkien sariek berenezko lekua izango dute abenduaren 6an eta 7an jaialdiaren arlorik industrialena irudikatuko duen “BBVA Games Industry Forum, GIF” delakoan, eta maila goreneko hizlariak bilduz osatu den prestakuntza-agendan, publisherrek, inbertsiogileek, kazetari espezializatuek eta Europako indie eszenaren garatzaileek parte hartuko dute.

 

Lehiaketaren amaieran, nazioarteko epaimahai batek nazioarteko titulurik onenak sarituko ditu, finkatutakoak zein independenteak, eta 16 golardo ere banatuko ditu, horien artean, titulu independentei zuzendutako “FSPlay” eta “Euskal Jokorik Onena” sariak.

 

Lotutako albisteak

27 Marzo, 2024 Digitalizazioa
BAICek Euskadiko Adimen Artifizial Aplikatuaren lehen kongresua antolatu du maiatzean
Irakurri gehiago
26 Marzo, 2024 Digitalizazioa
Sitab, digitalizazioarekin arrakasta lortu duen barne-espazioen fabrika
Irakurri gehiago
25 Marzo, 2024 Digitalizazioa
Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza
Irakurri gehiago
25 Marzo, 2024 Digitalizazioa
4GUNEk eta BRTAk bat egin dute Euskadiko enpresetan eraldaketa digitala sustatzeko prestakuntza-programa eskaintzeko
Irakurri gehiago
21 Marzo, 2024 Digitalizazioa
Adimen artifizialak errazten duen berrikuntza autonomoa, Innobasqueren 2024ko prospektiba txostenaren ardatz
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak