Ertzaintzaren helikoptero batek jaso du gaur arratsaldean. Tibia hautsita izan dezake mendizaleak.
Arratsaldeko hiruak baino lehen, pertsona batek SOS Deiak 112 telefono zenbakira deitu du, Txindokira igotzeko bidean mendizale batek istripua izan duela esateko. Dirudienez, erori egin da mendizalea eta ez zen bere kabuz ibiltzeko gai.
Ertzaintzaren helikoptero bat joan da bertara, eta istripua izan duten mendizalea jaso dute. Ertzaintzak azaldu duenez, tibia hautsita izan dezake. Donostiako Ospitalera eraman dute mendizalea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!