Goizean, jolaserako tartea izan dute larrauldarrek. Lehenik, altxorra bilatzen aritu dira haur eta gazteak; 12:30ean, aparrarekin gozatzeko abagunea izan dute gaztetxoek.
14:30ean, xahututako indarrak pilatuko dituzte bazkarian. Arratsaldean, dantzarako parada izango dute zunbaton tailerra eta haurrentzako animazioa tarteko. Iluntzean, kantua poteoan arituko dira herrian, eta herri afaria antolatu dute ondoren. Eguna behar bezala amaitzeko, DJ Bull ariko da musika jartzen.
BIHARKO EGITARAUA.
Abuztuak 6, larunbata:
12:00. Txirrindulari igoera xelebrea.
Ondoren. Herriko umeen dantza emanaldia.
18:00. Herri kirolak (herritarrak ariko dira).
20:30. Barrikote herrikoia, Urbeltz plazan.
Ondoren. Laiotz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!