Busturialdeko HitzaIbarrangelu – Busturialdeko Hitza

Busturialdeko albisteak

Mikel Urigoitiak irabazi du Laga Loggin Surf Txapelketa

Zapatuko Longboard surf motako txapelketako onena izan zen zarauztarra, eta bere herriko bi surflari sailkatu ziren atzetik; Jon Garmendia geratu zen bigarren, eta Mikel de la Maza hirugarren. Ogoñope Surf Taldeak antolatutako proban Asturias, Kantabria eta Euskal Herriko hondartzetako 44 surflarik parte hartu zuten. Horietatik erdiak Lagako hondartzako surflariak izan ziren. Txapelketa ondo atera zela [ ]  2018/06/24 - 18:07:05

Ibarrangeluko IX. Mendi Martxa, domekan

Ibarrangelutarrentzat ohitura bihurtu da gorpuztiak mendi ibilaldiagaz borobiltzea, eta domeka honetan hitzordua dute udalerriko auzoetatik barrena egingo duten martxan. Ibilbide luzeena egitera doazenek 08:00etan dute irteera-ordua Elexalden, laburrekoek, berriz, 10:00etan. Martxara joan gura dutenek Kultur Etxean izena eman dezakete, arratsaldeetan [17:00etatik 21:00etara]. Bestela, domekan bertan martxak hasi baino arinago izena eman ahalko da. Martxa luzerako [ ]  2018/06/24 - 18:07:05

Laga Loggin Surf Txapelketa lehiatuko dute zapatuan

Ogoñope Surf Taldeak egun osoko plana dakar zapaturako. Izan ere, txapelketa eta jaia batzen dituen proposamena prestatu dute. Longboard surf motako txapelketa da, eta 50 bat parte hartzailek lehiatuko dute. Hain zuzen, gonbidapen bidezko proba da; Kantabriatik Gipuzkoara arteko hondartzetako surflariak gonbidatu dituzte. Lagako surflariokin batera, Kantabriako, Bizkaiko eta Gipuzkoako hondartza bakoitzetik hiruzpalauk parte hartuko [ ]  2018/06/18 - 11:23:05

“Gustuko giroa” izan dute zapatuan Ibarrangelun

Ekainaren 9an Lore dantza taldekoen eskutik hasitako Gorpuzti jaiak ospatu zituzten zapatuan, Ibarrangelun. Paella txapelketa eta pilota partidua izan ziren zapatuko protagonista nagusiak, eta adin guztietako herritarren parte hartze zabalagaz igaro zen jaien bigarren asteburua. Goizetik berotu zuten giroa herritarrek, eta eguerdian bere horretan jarraitu zuen giroak paella txapelketan. 14 paella aurkeztu zituzten ibarrangelutarrek, eta [ ]  2018/06/13 - 13:14:02

Lehen mailako pilotarien topaleku bilakatuko da Ibarrangelu, zapatuan

Lorea dantza taldeko beteranoek herritar denentzat prestatutako ekintzetan parte hartzeko gonbita luzatuz hasi zituzten barikuan Gorpuzti Jaiak, Ibarrangelun. Eta horrela, adin guztietako herritarren parte hartze zabalagaz igaro da jaien lehen asteburua. Musika eta dantza izan ziren protagonista asteburuan, eta 180 lagun batu ziren zapatuko herri bazkarian, Ibaetako frontoian. Zapatu honetan ere badute zerekin gozatu. Paella [ ]  2018/06/09 - 03:11:02

Surf Jaia ospatuko dute Lagan, domekan

Bizkaiko Surf Federazioak hainbat ospakizun egiten ditu urtero Bizkaiko hondartzetan, eta oraingo honetan Ibarrangeluko Laga hondartzan ipini dute hitzordua. 10:00etatik aurrera askotariko ikastaroak eta tailerrak emango dituzte ume eta gaztetxoentzat, doan. Goiz eta arratsaldez egingo dituzte ekintzak, eta parte hartzen dutenentzat bazkaria ere prestatuko dutela jakitera eman dute. Surf zaleentzat ez ezik, hondartza gustuko dutenentzat [ ]  2018/06/09 - 03:11:02

Herriko dantzarien eskutik datoz Ibarrangeluko gorpuztiak

Tradizioan oinarritutako herriko jai nagusiak hasteko dena prest dute Ibarrangelun. Bihar Gorpuzti Eguna ospatu, eta barikuan herriko jai nagusien txupinazoa dute ibarrangelutarrek. Aurten Lorea dantza taldeko nagusienek irakurriko dute pregoia, eta jarraian txupina jaurtita hasiko dira ofizialki gorpuztiak. Hala, domekan pregoilari lanetan ariko dira taldeko helduak, eta domekan umeen txanda izango da. Mezaren ostean dantzatuko [ ]  2018/05/30 - 18:54:04

Busturialdetik igaroko da lehen Bizkaia 3E bira

Bizkaia 3E hiru egunetako itzuliak zeharkatuko ditu Lea-Artibai eta Busturialdea, barikutik [apirilak 27] domekara [apirilak 29] bitartean. Hiru etapak osatzen dute gizonezkoen 23 azpikoen mailako txirrindu norgehiagoka berria: Markina-Xemeingoak, Ibarrangelukoak eta Berriatukoak. Markina-Xemeingo, Gernikako eta Berriatuko txirrindulari taldeek Bizkaiko Txirrindularitza Federakuntzagaz batera antolatu dute proba. Aurten estreinatzen den bira honetan hogeitabost taldek hartuko dute parte, [ ]  2018/05/08 - 17:49:03

Akordako plazan hobekuntza lanak egingo ditu Ibarrangeluko Udalak

Plaza konpontzeko hainbat lan egitea aurreikusi dute. Umeen jolas parkean segurtasun lanak egingo dituzte. Izan ere, parkearen parte batean bakarrik dago babes-hesia. Umeen segurtasuna bermatzeko aukera desberdinak aztertuko dituzte. Bestalde, espaloian iriste erraztasuna bermatzeko lanak egitea onartu dute. Gaur egungo galtzadarria berrerabiliko dute. Halaber, autoak espaloi gainean ez uzteko neurriren bat hartuko dute jakitera eman [ ]  2018/03/24 - 01:35:04

Ume jaioberriak dituzten familientzako diru laguntza handitu du Ibarrangeluko Udalak

Azken Osoko Bilkuran aho batez onartu zuten ume jaioberriak dituzten edo umeak adoptatu dituzten familiei ematen zaien diru laguntza igotzea. Orain arte 300 euro ematen zizkien udalak, eta aurten, ostera, 600 euro jasoko dituzte. Azaldu dutenez, herriko familienganako ardura eta aldekotasun sozialaren aldeko aldarria egin zuten zinegotzi guztiek.  2018/03/20 - 21:01:05

Nabigatu euskaraz