Zientzia eta teknologia

Zientzia eta teknologia kontuez informatzen dutenak

"Matxismo ezkutua, egunerokotasunean agerian" ikasleekin lantzeko dosierra sortu du Faktoriak

Sustatu.eus - Aktualitatea 2019/11/11 - 12:21:02

"Paperak, mesedez": bideojoko interesgarri bat euskaraz

Sustatu.eus - Aktualitatea 2019/11/11 - 12:21:02

Euskal emakume txiolarien ikusgarritasunaren alde

Emakumezko txiolari euskaldunen ikusgarritasunaren aldeko ekimen bat ikusi dugu Twitterren, kezka batetik abiatuta, jakina: ikusgarritasun hori proportzionalki txikiegia dela. Beste batzuen artean, Ane Fernandez txiolariak erreparatu dio Umap zerbitzuak egiten duen norbanakoen rankingari , eta lehen hamarren artean emakumezko bakarra ageri dela une honetan nabarmendu du (5. postuan, Ane Galarraga ). Hortik aurrera ere, lehen ehunen artean, hiru laurden gizonezkoak dira eta laurdena bakarrik emakumezkoak. Kezka bertsuak bultzatuta, duela egun batzuk emakumezko txiolarien gomendio-kate bat hasi zuen Twitterren Aintzane Muguruzak , eta ia 500 lagunen txio-profilak bildu zituen. Muguruzak deiadar honekin hasi zuen katea: " Hamar euskal emakume hauek jarraitzea gomendatuko dizuet. Segi zuek zerrenda! " Hamarnaka bildu diren profilen zerrenda, #EhundakaAhizpa zerrendara gehitu ditu Muguruzak. Hortxe duzue, zerrenden jarraipena egiten baduzue Twitterren, hor duzue harpidetzeko bat interesgarrua, Sustatu.eus - Aktualitatea 2019/11/11 - 12:21:02

Gipuzkoako "Gordailua" ezagutu eta bisitatzeko aukera

Sustatu.eus - Aktualitatea 2019/11/11 - 12:21:02

Rikardo Arregi komunikazio sarietan finalista da Egunean Behin

Rikardo Arregi kazetaritza sarietan , "Komunikazio" kategorian finalista izendatu dute Egunean Behin jokoa. Andoaingo Udalak euskarazko hedabide, kazetari eta komunikazio jardunak saritzen ditu urtero sari hauen bitartez, eta aurten bi kategoriatan definitu dituzte: Kazetaritza eta Komunikazioan. Pozik gaude zortzi finalisten artean egoteagatik, noski. Kazetaritza alorreko finalistak hauek dira: - Jon Artano Izeta kazetariaren 2019. urteko kronika eta elkarrizketak Ameriketatik eginak EITBrako. - “ Iraultza txikien lekukoak ” atala Elhuyar aldizkarian, Ana Galarraga Aiestaranen eskutik. - “ Zozoen elean ” elkarrizketa sorta (bost elkarrizketa) Berrian, Miel Anjel Elustondoren eskutik. - Kanaldude telebistako “ Hurbiletik ” saioko 2019ko uda arteko atalak. Komunikazio alorreko finalistak gara (irudian collage bat egin dugu proiektu hauekin), berriz: - “ Egunean behin ” jokoa, CodeSyntax -ek sortua. - 2019. urteko Korrikaren komunikazio kanpaina ( Klika! ) - Ttap aldizkari digitalak 2019. urtean sendotze bidean emandako pausoak. - “ Barruan gaude ” podcasta, Oier Aranzabalek Zuzeun argitaratzen duena. Kategoria bakoitzean 9.000 euroko saria dago irabazlearentzat. Azaroaren 28an Andoaingo Bastero kulturunean egingo den ekitaldi batean jakinaraziko dira garaileak. Zorte on denei, geuk bezainbesteko merituak edo handiagoak dituzte-eta beste finalistek. Sustatu.eus - Aktualitatea 2019/11/11 - 12:21:02

Reuben Wu argazkilariaren argi magikoak

Reuben Wu sortzaile ingeles bat da, batetik ezaguna Ladytron tekno taldeko musikarietako bat delako, baina azken aldi honetan sortu dituen argazki ikusgarriengatik. Esposizio luzearekin gauez egindako argazki hauen trukoa zera da: drone batekin argiztatzen du eszena, argiztapen efektua emateaz gain bere bidearen aztarna misteriotsua utziz aldi berean. Paisaiaren gainean argiek lortutako efektuaz gain, argia ematen duen dronearen hegaldia geometrikoki programatzeko gaitasunak figura perfektuak egiten uzten dio. Airean marraztutako zeinu hau aeroglifo deitzen die Wuk. Badirudi sorta honetako irudiak Salar de Uyuni deritzon Boliviako lautada gazian egin dituela. Irrealtasun sentsazioa handitzen du eszenario horrek, duda barik. Andeetan baita ere, baina Peruko goi-mendietan, glaziar batean egindako argazkia hemen behean. Bideo honetan ikusten da Reuben Wuren sormen prozesua, kameragileak sustaturiko promozioa eginez bide batez: Gehiago ikusi eta jakiteko, bisitatu Reuben Wuren webgune pertsonala eta bere Instagram kontua . Sustatu.eus - Aktualitatea 2019/11/11 - 12:21:02

Mundolingo, nazioarteko mintzapraktika

Sustatu.eus - Aktualitatea 2019/11/06 - 14:51:01

Jardunaldia Bilbon: Arlo sozioekonomikoa euskararen biziberritzean

Sustatu.eus - Aktualitatea 2019/11/06 - 14:51:01

Komunikazio eta zerbitzu elektronikoak nahi bezala eteteko legea du orain Espainiak

Sustatu.eus - Aktualitatea 2019/11/06 - 14:51:01

Kikarakada: Gora txokolatezko irribarreak!

Sustatu.eus - Aktualitatea 2019/11/06 - 14:51:01

Twitterrek iragarki politikoak debekatu ditu

Twitterrek iragarki politikoak debekatu behar dituela eta hitz batzuk eskatu zizkidaten ETBko albistegietatik ondorengo erreportajea osatzeko. Elkarrizketa prestatzeko hainbat ohar hartu nituen eta hona ekarri nahi izan ditut, erreportajea osatzeko asmoz. Twitterrek hartu duen erabakia ezin da modu isolatuan aztertu, bat-batean izan duten okurrentzia bat bailitzan. Urriaren amaieran Facebookeko burua, Mark Zuckerberg, AEBetako Kongresuan egon zen euren Libra kripto-moneta proiektua defendatzen. Agerraldian Alexandria Ocasio-Cortez demokratak estu hartu zuen, Facebookek albisteen benetakotasuna ziurtatzen ez duelako eta iruzurra egiten duten iragarkiak ez dituelako ezabatzen. Eta hortxe dago gaiaren koxka. Iragarki politikoak erabil daitezke zure hautagaia laudatzeko edota arerioak desmobilizatzeko. Nola? Facebooken, eta Twitterren, daukagun jarduna, atsegin ditugun artikulu eta orriak, automatikoki aztertu eta gure profila osatzen dute, segmentu zehatz batean kokatuz. Iragarleek, tartean alderdi politikoek, segmentatzeko gaitasun hau erabil dezakete publizitate kanpaina eraginkorrak egiteko. Arerioen aurkako iragarkiak egiten harrapatu dituzte PP duela gutxi , adibidez, PSOE eta Podemoseko bozka-emaileak jomugan jarri eta haien abstentzioa sustatu nahian. Izan ere, arerioak baino bozka gehiago lortzeko modu bat da besteak bozka gutxiago lortzen ahalegintzea. Orain PPk egin duen hau beste herrialde batzuetan lehenago gertatu da jada: Trumpen alde AEBetan, Brexitaren alde Erresuma Batuan edota Bolsonaroren alde Brasilen. Beraz, testuinguru horretan kokatu behar da Twitterek hartu duen erabakia. Eta izan daiteke modu bat Facebooki presioa sartzeko, ez delako ahaztu behar Twitter eta Facebook lehiakideak direla. Ikusteke dago ea nola lortuko duen Twitterrek iragarki politikoak bereizi eta debekatzea, baina horrela presioa Facebooken teilatupean kokatzen da honek albisteen benetakotasuna ziurtatu eta iragarki politiko faltsuak debekatzen hasi dadin. (Ilustraziorako, Irlandako gaelikoz Twitterren erositako iragarki politiko bat. Twitterrek iragarki politiko zertifikatuen informazio publikoki zabaltzen du orri honetan , eta Europako Batasunean, bitxia bada ere, oso erosle zertifikatu gutxi daude. Horietako bat da Fianna Fail oposizioko alderdi irlandarra eta haren iragarkia jarri dugu hemen. Bitartean, euskarazko iragarkiak erdi-debekatuta daude Twitterren eta zeharkako prozesu baten bidez eros daitezke bakarrik). Sustatu.eus - Aktualitatea 2019/11/06 - 14:51:01

Ikaselkar argitaletxeak haur eta gazteentzako "Hipatia, egia matematikan" komiki-liburua argitaratu du

Sustatu.eus - Aktualitatea 2019/11/06 - 14:51:01

Lurrama 2019 Biarritzen, klima aldaketa ardatz

Sustatu.eus - Aktualitatea 2019/11/06 - 14:51:01

Google Word Coach, ingelesa hobetzeko "Egunean Behin" moduko bat

Google Word Coach ingelesezko hitzekin praktikatzeko joko bat da, Google bilatzailearen bertsio mugikorrean erdi ezkutua dagoena. Android euskaldundu batekin egin ditugu aproba batzuk, eta interfazea ia osorik ingelesez dagoen arren, termino batzuk euskaraz agertzen dira (hala nola puntuazioa ; ikus irudietan). Dena dela, ingelesezko oinarri bat beharrezkoa dirudi jokoan hasteko. Mugikorreko Google bilatzailean edo Chrome nabigatzailean sartu behar duzu jokoa erabiltzeko. Egin Google bilaketa hau: Google Word Coach, eta jokoaren interfazea agertuko zaizu. Esanahiekin asmatzea da kontua, sinonimo edo gertuko hitz bat eskatzen dizu sistemak, eta bi aukeraren artean aukeratu behar duzu. Egunean Behin -en baino errazago beraz ausaz asmatzea. Goiko irudian ikusten den bezala, grafikoak ere badira galdera batzuk, baina hor ere, aukera bikoitza. Kasu honetean, Egunean Behin-eko alderantzizkoa da: galdera da testuzkoa, eta erantzun posibleak grafikoak. Emaitza zuzenekin puntuak gehitzen zoaz, 5eko txandetan (Egunean Behin-en 10ekoak), eta mailaketa bat eskaintzen dizu sistemak. Erantzun zuzen eta okerretan klikatu, eta informazioa duzu definizioen inguruan (ingelesez noski) Zenbat jokatu daitekeen, zein mailara arte... ez dakigu. Jokaldi bakan batzuekin konformatu gara gu artikulu hau idazteko. Sustatu.eus - Aktualitatea 2019/11/06 - 14:51:01

Iturriak

Zientzia eta teknologia