Amatiño
Kamera berria, irudi zaharrak
Djokovicen eta Murrayren arteko tenis-openaren finala telebistaz bart jarraitu duenak ikusi ahal izan ditu â nahiz, behar bada, jabetu ez--, inoiz aurretik sekula ikusi gabeko irudiak. Arrazoia, estreinako erabili izan den kamera-mota: drone itxurakoa, baina ez hegalaria, kablez lotua baizik. 2016/05/09 - 01:24:02
Seigarrenaren ikuspegia
Aurreko arratsaldean entzun nion gazte bati Euskadi Irratian, zein erraz sortu daitekeen enpresa bat Estatu Batuetan. Hogeita lau ordutan. Ezagutzen omen zuen bere inguruan kasua, lagunen batena, zeinek pare bat urtez negozio txiki bat abian jarri zuen, gero, irabaziekin, Masterra ordaindu ahal izateko. Honelakorik ez da, gero, batere ohikoa gure artean. 2016/05/06 - 08:26:03
Aqua
Beste behin, hogeitabatgarrenez, Gaztela eta Leongo eliza katolikoak antolatu du âLas edades del hombreâ deitu erakusketa non, aldez aurretik erabakitako gai nagusi baten inguruan, bere barrutiko arte-lanak biltzen dituen. Aurtengo gai nagusia âAquaâ (ura) da, eta Toroko* (Zamora) Kolejiatan eta Hilobi Santuaren elizan barrena azaltzen da erakusketa parea. 2016/05/03 - 15:37:09
Ez dira datu onak
Lehen hiru hilabeteko langabeziaren datuak ez dira txarrak, baina ezta onak ere. Espainiakoak, 2011ko orokorrak baino hobeak baina iazkoak baino txarragoak. EAErenak, antzerakoak. Eta nafarrak, aldiz, 2011koak zein iazkoak baino txarragoak. Hala ere, egia ere bada, hiru datuok iazko martxoaren 31koak baino hobeak direla: 15,8 (EAE), 17,1 (NA), 23,8 (ESP). 2016/04/30 - 22:49:05
Nazien urrea, Galiziako wolframioa eta Lezamako igeltseroa
Eibarko Club Deportivoarekin estreinako joan nintzenean eskiatzera Candanchura (1963?) eta Canfranc-eko tren-geltokiko ostatuan lo egin, amesgaiztorik txarrenean ere nekez suma nezakeen hogei urte eskas lehenago Gestapokoak bizi izan zirenik bertan, laurogeitaka tona urre pasatu zirenik ezkutuan handik eta mendate mehar hura Alemaniatik ihesi etorritako juduen isilpeko igarobide izan zenik. 2016/04/27 - 23:58:04
Gure industriaren defentsan
Hona non jakin dugun, holakoren batean, âindustriarik gabeko Herriak ez duena etorkizunikâ. Lanik falta ez denean lanpostuak ez du lar balio izaten; ezta industriak ere, edozein pegoratan tailertxo bat dagoenean. Aspaldiotan, ordea, lan-aukerak gero eta gehiago balio du eta, orain dela urte gutxi besterik iruditu arren, azkenean amaitu dugu sekulako manifestazioa egiten âgure industriaren defentsanâ. Hamaika ikusteko jaio ginen! 2016/04/24 - 19:23:01
Datorkigun mundua
Etorkizuna ez da gero batere erraza gaur eguneko gizartearentzat, oro har, eta, zer esanik ez, lan-merkatura estreinako atera behar duen gazteriarentzat edo sortu beharreko enpresa txikientzat. Baina, datorkigun mundua... sekulako txarrena al da? Aurreko belaunaldiek abagune errazagorik aurkitu al zuten? 2016/04/21 - 20:33:03
Photoshop analogikoa
Photoshopak, photoshop digitalak alegia, hogeiren bat urte baino ez ditu. Hala ere, irudia irudi denetik behintzat, betidanik egon izan da jatorrizko itxura aldatzeko grina eta joera. Digitalaren ekarpenik handiena ez da edozer aldatzeko eskaintzen duen sekulako ahalmena, behin aldatuz gero berriro lehengora itzultzeko aukera paregabea baizik. Aldaketa digitala kendu-ipinikoa da, joan-etorrikoa. Analogikoa, ostera, joanekoa baino ez. Ez du bueltarik. 2016/04/19 - 21:23:07
Bihotza bitan banatzen ikasi
Badazagut gaur Ipuruara igotzeko ausardiarik, adorerik edo patxadarik izan ez duen errealzale eibartarrik. Lar ez sufritzeagatik etxean geratu denik. Badazagut talde biek irabazi zezaten nahi zuen Eibarko txuri-urdin armaginzalerik. Aukeran, berdinketa nahiago zukeenik. Inoiz ikasiko al dute bihotza bitan banatzen? 2016/04/16 - 22:40:07
Erretzen ez duten kazetariak
Egia esan, nik ez nuen gaztetan sarri ikusterik izan, nobela beltzean horren usu agertu izaten zen kazetari mozkorrik. Erdi-lafiatuta bai, behar bada. Baina benetan zaila zen batere zigarrorik erretzerik ez zuen kazetariren batekin topo egitea. Denek erretzen zuten, erretzen genuen. Orain, ostera, alderantziz. Inork ez du erretzen. 2016/04/14 - 23:22:11
