Eibartik

Apirila, txoriketarako sasoi aparta

Ez da ez, apirila, txoritarako garai txarra. Ugari eta zalapartatsu dabiltza egunotan.  2016/04/25 - 10:16:04

Valderejoko Parke Naturala (Araba), merezi duen lekua

Udaberria oso garai egokia da (beharbada egokiena) Arabako parke natural zoragarri hau bisitatzeko.  2016/03/20 - 14:27:01

Aragoieraren historiaz eta egungo egoeraz

Euskaldunak hizkuntza-komunitate gutxitu bateko kide garen arren, esango nuke nahiko gutxi dakigula inguruan ditugun beste hizkuntza gutxitu batzuetaz. Ber-bertan ditugu, esate baterako, okzitaniera eta aragoiera, historikoki Euskal Herrian ere mintzatu izan direnak, eta nik neuk, behintzat, ezer gutxi dakit hizkuntza horien historiaz edo egoeraz. Egunotan "El aragonés en el siglo XXI" liburua irakurri dut. Interesgarria, egoera larrian dagoen hizkuntza gutxitu horren inguruan ikuspegi orokor bat izateko, historiaz, orainaz eta geroaz.  2016/03/09 - 12:08:09

I. Euskadiko Kongresu Ornitologikoa: kronika txiki bat

Joan den asteburuan ospatu da Busturian I. Euskadiko Kongresu Ornitologikoa. Mugarri bat. Lehenengo aldiz elkartu gara gure inguruko txorizale guztiak gure zaletasun (eta batzuentzat lanbide) den honetaz berba egiteko. Ondo antolatutako jardunaldiak izan dira, alderdi pertsonaletik oso aberasgarri, eta komunitatearentzat ere, nire uste apalean, urrats handi bat.  2016/03/03 - 22:57:17

Gure neskak, 2008-2015

 2016/02/22 - 00:45:02

Hegazti negutarren jarraipena, 2015-2016 #SACIN

Eibar inguruan neguan ikus daitezkeen hegaztien laburpen moduko bat.  2016/02/14 - 18:17:01

Arnaut Abadiaren zoo ilogikoa (Kepa Altonaga, 2011)

Larresoroko Seminarioko zuzendari eta irakasle izandako Arnaut Abadiak (Bithiriña, 1843) "Eskualduna" aldizkarian idatzitako artikuluen antologia. Euskarazko dibulgazio zientifikoaren aitzindari.  2016/02/10 - 16:15:01

"Burbunak eta etsayak", Hernaniko ondare natural eta linguistikoa

"Natura, ondarea, hizkuntza, herri identitatea, transmisioa,... zenbat gai interesgarri, eta zelako egoki kontatuta, arin eta artez. Beste askorentzat eredu izango dugu 'Burbunak eta etsaiak'. Bejondeizuela!"  2016/02/05 - 12:44:05

2015. urtean irakurritako liburuen zerrenda

Ezagun da: zerrendazale naiz. Azken egunotan argitaratu ditudan aurreko bi zerrenden ostean (2015ean ikusitako hegaztiena eta igotako mendiena), postrerako, azken 12 hilabeteetan irakurritako liburuena (aurreko urteetakoak: 2010, 2011, 2012, 2013, 2014). Aurtengoa urte flojotxoagoa izan da liburuei dagokienez, kalitatez zein kantitatez (beste zaletasunentzat denbora hartu dut, sorbalda-bizkarreko kontuek ere ez didate lagatzen eroso irakurtzen...). Baina, hala eta guztiz ere, tira, une gozo batzuk eman dizkit literaturak, eta idazle/liburu on-on batzuk ere igaro dira nire eskuetatik (komikiak azpimarratuko nituzke, beharbada). Hemen zerrenda, urteko artxiborako: - ***The Brooklyn Follies, Paul Auster (Faber, 2005). 'I was looking for a quiet place to die. Someone recommended Brooklyn, and so the next morning I traveled down there from Westchester to scope out the terrain...'. - ***Sargori, Pello Lizarralde (Pamiela, 1994). Berrirakurria; aspaldi blogean (gor)aipatuta. - Apirila, Iñigo Aranbarri (Susa, 2014). - Fikzioaren izterrak, Ur Apalategi (Susa, 2010). - ***La maravillosa vida breve de Óscar Wao, Junot Diaz (Mondadori, 2008). Familia dominikar baten gora-beherak, 3 belaunaldiz, República Dominicana eta New Jersey artean. Txioa. - Un novio para mamá y otros cuentos, Gerall Durrell (Espaebook, 1994). - Estrella distante, Roberto Bolaño (Anagrama, 1996). Txioa. - La pista de hielo, Roberto Bolaño (Anagrama, 1993). - ***El hombre en su castillo, Philip K. Dick. (1966). Txioa. - Una muerte solitaria, Craig Johnson (Siruela, 2013). Polizia eleberria, Wyomingeko negu latzean girotua, euskaldunak eta cheyeneak protagonista. - Goza daiteke gehiago: euskaldun baten hizkuntza-bidaia, Karmelo Ayesta (Utriusque Vasconiae, 2014). - Las alas de la esfinge, Andrea Camilleri (Salamandra, 2009). Montalbano inoiz baino txakurrago, krisi existentzialean, bikotekidearekin muturtuta eta adin-krisian. Liburua, aldiz, irribarre batekin irakurtzen da, ironiaz beteta baitago. - Back to leizarraga, Kepa Altonaga (Pamiela, 2015). Blogean. - Dumitru, Koldo Izagirre (Erein, 2014). Blogean. - ***Zimurrak, Paco Roca (Astiberri, 2014). Txioa eta blogean. - Atlas of Bird Migration: Tracing the Great Journeys of the World's Birds. 2011, Jonathan Elphick (Editor). - ***Zapatos italianos, Mankell (Tusquets 2007). Txioa. - Black is beltza, Muguruza, Cano, Alderete (Talka, 2014). - Orube abandonatuak, Garazi Kamio (Elkar, 2014). Blogean. - Zesarren papiroa, Ferri eta Conrad (Bruño, 2015). - Isaac el pirata (1). Las Américas. C. Blain (Norma, 2003). - Hilen logika ezkutua. Jabier Muguruza (Erein, 2014). Txioa. - ***¿Para qué sirven las aves?, Antonio Sandoval (Tundra, 2013). Blogean. - Ancho mar de los sargazos, Jean Rhys (1966). Txioa. - Ibilbide ornitologikoak Gipuzkoan zehar, Jose Riofrío (GFA, 2012). - Gabriel Aresti BioGrafikoa, Adur Larrea (Erroa, 2015). Txioa. - Cleveland. Harvey Pekar (Gallo Nero, 2013). Txioa. - Corto maltés: bajo el sol de medianoche, Canales eta Pellejero (Norma, 2015). Txioa. - Antropologo bat Marten, Oliver Sacks (EHU, 2003; 1995 jatorrizkoa). Oliver Sacks neurologoak zazpi kasu klinikoren bitartez aztertzen ditu neurologian izan daitezkeen hainbat paradoxa. - El aragonés en el siglo XXI, José Ignacio López Susín (coord.) (Fundación Gaspar Torrente, 2013). Urtean zehar irakurritako liburuen jarraipena egiteko, oharrak gordetzeko eta irakurketak beste irakurle batzuekin partekatzeko, Goodreads erabiltzen dut. Euskaldunontzat ez da bereziki egokia, euskarazko liburu asko ez direlako bere datu-basean agertzen, baina tira, bere zera dauka. Urtea amaitzean laburpen bat ere egiten dizu, infografia xinple baina adierazgarri honen bidez (goiko irudia ere bertatik atera dut).  2016/01/25 - 20:26:07

Felipe Gonzalez: "Gora Euskadi askatuta!"

Felipe Gonzalez, Eibarko Astelena Frontoian (1976/02/15). Laster dira 40 urte.  2016/01/23 - 17:35:19