Erakundea - Euskaltzaindia
Lexiko Behatokia elikatzea helburu, Editorial Iparragirrek eta Euskaltzaindiak
lankidetza hitzarmen berria sinatu dute
Gaur, irailaren 11n, Editorial Iparragirrek eta Euskaltzaindiak bi erakundeen arteko lankidetza-hitzarmena sinatu dute Bilbon, Euskaltzaindiaren egoitzan. Ediorial Iparragirreren izenean Iñaki Alzaga presidenteak sinatu du, eta Euskaltzaindiarenean Andres Urrutia euskaltzainburuak. Bingen Zupiria eta Joseba Santamaria Deia eta Noticias de Navarra egunkarietako zuendariak eta Xabier Kintana Euskaltzaindiko idazkaria ere ekitaldian izan dira. Hitzarmen horren ondorioz, Ortzadar gehigarriaren euskarazko testu-masa osoa Akademiaren eskuetan jarriko da, Euskaltzaindiak garatzen diharduen Lexikoaren Behatokia izeneko egitasmoa elikatzeko asmoz. Ortzadar Editorial Iparragirrek editatzen du, eta Noticias Taldea osatzen duten lau egunkariek - Deia, Noticias de Gipuzkoa, Noticias de Navarra eta Noticias de Alava egunkariek- zabaltzen dute. 2013/09/12 - 10:36:04
"Transmisioa gure esku dago" kanpaina aurkeztu da
Gurasoei begira, eta euskararen transmisioa bermatzeko asmoz, "Tansmisioa gure esku. Gurasoei begira" izeneko kanpaina aurkeztu da gaur, irailaren 11n, Euskaltzaindiaren egoitzan. Euskaltegietako eta hezkuntza arloko eragile asko izan dira gaurko agerraldian. Agerraldian hauek izan dira: batetik, AEK, IKA, Batuz, Elkarlan, Deustuko euskal irakaslego, Aurten bai, Maizpide eta Udal euskaltegietako ordezkariak; eta bestetik, Koldo Tellitu (Euskal Herriko Ikastolen Konfederazioa), Mikel Ormazabal (Kristau Eskola), Lurdes Imaz (EHIGE) eta Patxi Olabarria (ERKIDE-Irakaskuntzako koordinatzailea) hezkuntzako eragileak. Arantza Aurrekoetxea Eusko Jaurlaritzako Hezkuntza sailbururdea eta Joseba Erkizia HABEko zuzendaria ere izan dira ekitaldian. Azpimarrau dutenez, euskara eguneroko hizkuntza eta komuniakziorako ohikoa izatea, "hein handi batean" gurasoen esku dago. Hezkuntza arloko eragileek irakurritako dokumentua: "Transmisioa gure esku dago" (PDF, 43,03 KB) 2013/09/12 - 10:36:04
Jean Haritschelharrek "euskararen alde egindako lan eta ahalegin guztia" aitortu du
Nafarroako Parlamentuak
Jean Haritschelhar euskaltzainburu ohiaren heriotza dela-eta, Nafarroako Parlamentuak Haritschelhar zenaren lana aitortu du, "euskararen alde egindako lan eta ahalegin guztiengatik. Bereziki legez ezarritako hizkuntz aholkularitzan Nafarroako erakunde eta gizarteari eskainitako elkarlanarengatik". Honela onartu zen atzo, irailaren 9an, Parlamentuko Eledunen bileran. Patxi Zabaleta euskaltzain eta Aralarreko koordinatzailearen ekimenez, Bildu eta Aralar-NaBai taldeek aurkeztu zuten proposamena, adierazpen instituzional gisa onartzeko. Alderdi guztietako ordezkariek onartu zuten, aho batez. 2013/09/11 - 10:31:01
Editorial Iparragirreren eta Euskaltzaindiaren arteko hitzarmena
Datorren asteazkenean, irailaren 11n, Editorial Iparragirrek eta Euskaltzaindiak lankidetza-hitzarmena sinatuko dute, Bilbon, Akademiaren egoitzan, eguerdiko 12:00etan. Editorial Iparragirreren izenean Iñaki Alzaga presidenteak sinatuko du, eta Euskaltzaindiarenean Andres Urrutia euskaltzainburuak. Hitzarmen horren ondorioz, Euskaltzaindiak garatzen diharduen Lexikoaren Behatokia izeneko egitasmoa elikatzeko asmoz, Ortzadar gehigarriaren euskarazko testu-masa osoa Akademiaren eskuetan jarriko dute. Ortzadar Editorial Iparragirrek editatzen du, eta Noticias Taldea osatzen duten lau egunkariek - Deia, Noticias de Gipuzkoa, Noticias de Navarra eta Noticias de Alava - zabaltzen dute. 2013/09/10 - 10:25:02
Jean-Louis Davant "René Cassin" pastoralaz mintzatuko da gaur Baionan
Gaur, irailaren 6an, arratsaldeko 18:30ean, berak idatzitako René Cassin pastoralari buruzko mintzaldia eskainiko du Jean-Louis Davant euskaltzainak, Baionako Euskal Museoan. René Cassin pastorala uztailaren 28an eta abuztuaren 4an Sohütan (Zuberoa) egin zen, eta irailaren 15ean berriro antzeztuko da, Baionan, Lauga gelan. René Cassin (Baiona, 1887 - Paris, 1976) legegizon eta unibertsitateko irakaslea izen zen. Giza Eskubideen Aldarrikapen Unibertsalaren idazleetako bat izan zen. 1968an Bakearen Nobel Saria eman zioten. Informazio gehiago jasotzeko, sakatu hemen . 2013/09/07 - 10:04:03
Jean Haritschelhar euskaltzainburu ohia hil da
Gaur, 2013ko irailaren 1ean, Jean Haritschelhar euskaltzain eta euskaltzainburu ohia hil da, 90 urte zituela. Idazlea, euskaltzalea, euskaltzaina, hogeita lau urtez euskaltzainburuorde eta hamasei urtez euskaltzainburu izan zen. Haren bibliografia akademikoa oso zabala izanik, Pierre Topet Etxahun koblagileaz egindako doktore ikerketa azpimarratu behar da, duen garrantziagatik. Halaber, Euskaltzainditik eta unibertsitatetik at egindako lanak ere gogoan izan behar dira, hala nola, Herria aldizkariko kolaborazioak, Baionako Euskal Museoan ateratakoak edo euskararen alde egindako beste zenbait. Hil kapera bihar, astelehenean, irailaren 2an, jarriko da, goizeko 9etatik aurrera Baionako Tanatorioan (Baltet Karrika). Ordutegia: goizez (09:00-12:30) eta arratsaldez (14:00-19:00). Hileta berriz, asteazkenean, hilaren 4an, egingo da Baigorriko elizan, arratsaldeko 16:00etan. 2013/09/02 - 09:26:05
Euskaltzaindiaren 2013ko argitalpenak
Euskaltzaindiak urtarriletik uztaila bitartean kaleratu dituen liburuak bildu dira hemen. "Iker", "Euskaltzainak" edota "Mendaur" bildumetako azken lanak aurkeztu dira; hauek dira: Itzulpenari buruzko gogoeta eta itzulpen-praktika Joseba Sarrionandiaren lanetan; Koldo Mitxelenaren zinema- eta liburu-kritiketako diskurtso-estrategiak: enuntziatu parentetikoak; Jon Mirande, olerkaria; Antoine D'Abbadie, Abbadiaz ; Gratien Adema "Zaldubi"ren Gaineratekoen bilduma; Nafarroako ipar-mendebaleko hizkeren egitura-geolinguistikoa ; eta BBK Fundazioak eta Euskaltzaindiak deitutako 2012ko Resurreccion Maria Azkue sarietan irabazle suertatu ziren narrazioak eta olerkiak biltzen dituen liburua, Narrazioak eta olerkiak 2012 . 2013/07/31 - 08:26:05
Euskaltzaindia itxita egongo da abuztuan
Udako oporrak direla-eta, Euskaltzaindia itxita egongo da abuztuan. Irailaren 2an, astelehena, Akademia lanean hasiko da berriro, ohiko ordutegiarekin. Barkatu eragozpenak eta opor onak izan. 2013/07/31 - 08:26:05
Jimeno Jurioren "Toponimia navarra. V. Cuenca de Pamplona - Cendea de Oltza" lana aurkeztu
dute
2013/07/30 - 08:26:02
Juan San Martin bekaren XI. edizioa
Eibarko Udalak, Udako Euskal Unibertsitatearen (UEU) laguntzarekin, Juan San Martin izena duen ikerketa-bekarako deia egin du. Juan San Martin bekak helburu bikoitza du, euskarazko ikerketa sustatzea, eta Juan San Martin euskaltzain eta ikertzaile eibartarra omentzea. Aurtengoa 11. edizioa da eta kazetaritza izango du ikerketa esparrua. Eskaerak eta gainerako agiriak aurkezteko epea irailaren 2tik urriaren 11ra arte egongo da zabalik. Beka 9.000 eurokoa da. Besteak beste, hauek dira bekaren ezaugarriak: proiektua, azterlana eta memoria euskaraz burutuko dira. Bekaren iraupena gehienez 18 hilabetekoa izango da. Ikerketa-lanak originala eta argitaratu gabea izan behar du. Eskaerak Eibarko Udaletxeko Pegoran (Herritarren Zerbitzurako Bulegoan) aurkeztu beharko dira. Oinarriak eta informazio osagarria hemen daude kontsultagai. 2013/07/23 - 08:30:08
