Berbak dantzan
Esan berriz esan
Villabona-Amasan izan naiz gaur. Deskargako obrak nola dauden ikusi eta N1 errepidean gidatzea zer den gogoratu ondoren heldu naiz Subijana etxera, Mintzolak duen egoitzara. 2025/02/14 - 09:23:15
Erlamiñoak etxean
'Erlamiño-baltzak zurian ataratzen dittu umiak! Hala jaso zuen Toribio Etxeberriak bere hiztegian. Aurten, 'zurian' ez baina, gurean bai; gurean egin dute etxea. Horma biren artean, egurretan ez baina hormigoi artean. Hormaren danborrean danbor-hotsa entzun eta gerrarako prestatu garen arte. 2025/02/14 - 09:23:15
Laboari kontra egin nahi diot gaur
Naturaz kontra aritzen da bizitza batzuetan. Gaur, Mikel Laboari arrazoia kendu nahi izan diot nire gogoetetan; gaur bakarrik. Ez dut uste inoiz eten daitekeenik ama eta seme edo alaba batzen dituen zilbor-hestea. Ez nahi ez dugulako, ezin delako baizik. 2025/02/14 - 09:23:15
Zuritik zuriegira, bi egunetan
Elurra ari du, etengabe. Larunbat gauean hasi zuen, eta gaur, asteartea, oraindik hala jarraitzen du. Guretzat, mendian bizi garenontzat, zuritik zuriegira pasatzen da kontua, di-da batean. 2025/02/14 - 09:23:15
Azkenean, bukatu da!
Gaur jakinarazi du erabakia Gipuzkoako Lurralde Auzitegiak. Bukatu da! Egunkariako auzi ekonomikoa artxibatu dute. Hamaika urte eta erdi behar izan dira injustizia-bide hori gelditzeko, eta bidean zenbat bidegabekeri! 2025/02/14 - 09:23:15
Ederto pasatu nuen
Eskerrik asko, Eibar.org! 2025/02/14 - 09:23:15
Oraingoan Itxarok ekarri du Milia
Artikulu bat irakurtzeko gonbita egin nahi dizuet soilik. 'Argia' astekariak bere azken alean (2.456) publikatu du Itxaro Borda idazleak idatzitako artikulu eder bat: 'Milia Lasturkoaren itzala; XV. mendeko eresiaren gaurkotasuna'. Zein urruti eta zein gertu. 2025/02/14 - 09:23:15
Eskerrik asko Garitano
Ez naiz ni oso futbolzalea. Mundu arrotza eta urrutikoa iruditzen zait, eta erdalduna gainera. Atzo, ordea, ez zitzaidan hala iruditu. Futbol munduan ere badagoela euskaldun izateko hautua egiten duenik erakutsi zigun aspaldi Eibar futbol taldeko entrenatzaileak. Eskertu egin nahi diot Gaizka Garitanori halako dotoreziaz egindako hautua; eta gonbita luzatu Eibar Futbol taldeari entrenatzaileak egindako bideari jarrai diezaion. Gure eskubidea delako eta gurea delako. Eskerrik asko Garitano. 2025/02/14 - 09:23:15
Nik sinisten dizut
Ez da abusua izan, bortxaketa izan da! 2025/02/14 - 09:23:15
Ilun beltzean
Heriotzarekin aurrez aurre topo egitean, berbak falta izaten zaizkit. Halakoetan neronen barne tristura negarraz gozotzen dut nik gehienetan. Baina, aldi berean, ingurukoen mina nola apaldu asmatzeko ahalegin antzuetan aritzen naiz, ezinean. Ez da izaten berba egokirik halakoetan edo nik ez dut asmatzen egokitasunean. Baina batzuetan kasualitateak opari txiki eta ederrak jartzen dizkigu parean. Gaur goizean, Aitor Sarasuak berak idatzitako, eta, heriotzaren urteurrena dela eta, haren familiak kantatutako bertsoen gozoaz esnatu naiz. Tristuratik zukututako edertasunak hunkituta, oroitze-ariketa egin, eta gorazarre egin nahi izan diot Aitor Sarasuari, nire txikitasunean, nire modura. Gutxi ezagututa ere, miresteko moduko pertsona horietako bat zela iruditu izan zaidalako beti. Poesiaz eta magiaz beteta dauden pertsona horietako bat. Baina batzuetan kasualitateak opari triste, hotz eta beltzak egiten dizkigu. Eguzkiak bere bidearen erdia egin orduko, pertsona eder bat agurtu behar izan dut. Ontasunez beteta dauden pertsona horietako bat. Barre urratua zuen lagun baten heriotzak, urratu digu bihotza. Eta haren familiaren mina nola apaldu asmatzeko hitz bila ahalegin antzuetan nenbilela, Aitorren bertsoak ekarri ditut gogora. Ez dira nireak, poeta batenak dira, eta, seguruenik politikoki zuzena ez bada ere, egileari lapurreta txiki bat egin, eta gure lagun horri eta bere familiari eskaini nahi dizkiet hemen; izan ere, dolumina sosegatzeko modurik bada, berbaotan egon litekeela sinesten dut. Ilun-beltzean Nork erran du ilun beltzean bizi hau itzaltzen denean, dena hortan bukatzen dela? Oroimenean, bihotzaren magalean, joan zirenek badiraute airean, usainak bezala. Etsiturik nagoenean hutsik sentitzen naizenean Badakit hemen dagoela ibiltaria, joanik ere hemen da bidea eta makila. Nik badakit gau ilunean bizi hau itzaltzen denean, Izar berri bat pizten dela. Egilea: Aitor Sarasua. https://goiena.eus/debagoiena/1574064621555-ilun-beltzean 2025/02/14 - 09:23:15
