Warp Bortz

Doomen egilearen bideojoko puska berria

John Romero deitzen da eta Wolfenstein 3D, Doom eta Quake bideojoak garatu zituen jainkoa da. Ez zituen bakarrik garatu, noski, ondoan John Carmack izan zuen (bideojoko hauen motoreak garatu zituen jeinua) eta beste batzuk (beren izenak oroimen kolektiboan aspaldi ahaztuak) izan ziren. Baina Romero berezia zen; bera zen bideojoko horien estetika eta jolasgarritasunaren atzean zegoen garuna.... eta izarra. Eta txapa luze hau zera esateko, John Romerok bideojoko berria garatu nahi duela, bideojoko hori garai loriatsuetako kutsua berreskuratu nahi duela (abiadura bizia eta mugagabeko biolentzia beraz), gure laguntza behar duela (Kickstarter kanpainia abiatu du) eta guzti hau azaltzeko deus erakusten ez duen bideo kutre bezain erakargarria egin duela. Hemen duzue: Portziertoki, duela gutxi Romerok Doom klasikoarentzako mapa berria garatu duela eta petatu duela, nola ez. Iturria: Ars Technica  2016/04/28 - 22:29:05

Terminator eta Terminator Genisys parez-pare

 2016/04/01 - 21:46:04

Science Kombat Fight!

 2016/03/31 - 22:10:05

Ez eskatu sekula autograforik Jedi bati

... zeren egiten duzunean hauxe da gertatzen dena, hau da, Han Solori sinadura eskatzen bukatzen duzula. Eta eman eskerrak wookie baten atzetik bidali ez zaituelako. Iturria: Nerd Approved  2016/03/09 - 23:16:03

Indiana Solo eta Kylo Renen arteko aurrez aurreko definitiboa

Jakina denez Jar Jar Abrams putoamoa da erremakeak egiten, baldin eta erremake horiek ez badira Star Trekenak zeren orduan dena hankaz gora jarri eta pikutara bidaltzen duelako. Edozein modutan gure Jar Jar Abrams maitea Star Warsen hurrengo filma prestatzen ari da eta oraingoan ideia zoragarriak dituela dio, berritzaileak, inoiz ikusiak eta guzti hori, baina leiar distirarik gabe, hori bai. Gora Kakusai Jar Jar Abrams.  2016/03/04 - 00:21:05

Blade Runnerren animea

 2016/02/26 - 01:32:02

Sumolariak, kotxeak saltzeko estrategia bikaina

Toyotakoak maisuak dira. Ez dakit kotxeak egiten izango diren maisuak, baina iragarkiak egiten behintzat bai. Izan ere, Toyotako geinuek aski ongi dakiten bezala egungo kotxeen merkatuak bi gauza nahi ditu: Adimen artifiziala eta kalean erdi biluzik ibiltzen diren sumolari jatorrak. Eta hori hala da. Ez dakit zuek, baina nik jada pare bat sumolari erosi dut Interneten bidez. Iturria: Republica.com  2016/02/04 - 23:06:02

Historiako bideojokorik aspergarriena Oculus Riften izango da

Errealitate Birtuala aurrerapauso izugarria izanen da bideojokoen munduarentzako, eta ez naiz Sanferminetako ferietan jarri ohi duten alde batera eta bestera mugitzen diren tramankulu horietako batez ari. Ez, Oculus Rift eta antzekoez ari naiz, eta, hauek bai, iraultza ekarriko dute, edo behintzat kontsola berria erosteko aitzakia, nahiz eta gero gailua hautsa pilatzeko baino ez ditugun erabiliko (eta ez naiz inori begira ari, Kinect...). Beno, edozein kasutan, gauza da "Desert Bus", historiako bideojokorik aspergarriena, errealitate birtualeko gailuetara moldatuko dutela, benetako hiru dimentsiotan aspertu gaitezen. Hau da, hiru dimentsioko Mundu Erreal© honetan gertatzen zaigun bezala baina etxeko sofan eserita eta eskuan patata poltsa dugula. Ez dago gaizki.Eta zertan datza "Desert Bus" hori? Horretarako The Angry Videogame Nerd-en bideoa ikusi beharko duzue: Iturria: Wired Bola extra: Desert Busera nabigatzailean joalatu daiteke :)!!! Baina java instalatzea eskatzen du :(  2016/01/28 - 00:24:04

Deus Ex eta Matrix BA-TE-RA-KE-TA!

Diotenez Deus Ex bideojokoan "thereisnospoon" cheat-a erabiltzen baduzu jokoa matrix moduan jokatu ahal izango duzu. Eta diotenez cheat hori erabili duten guztiak matrixen harrapatuta geratu dira betirako, baina baliteke ere mundua inplosionatu izana eta gu oraindik ez jakitea... Auskalo, baina ni kontu handiz ibiliko nintzateke gauza hauekin... Eta hala eta guztiz ere espazio-denboraren jarraitasuna arriskuan jarri nahi baduzu, hemen argibideak: To do this, first you have to enable cheats by pressing your default talk button and typing "set deusex.jcdentonmale bcheatsenabled true". Then go into the credits from the menu and type "thereisnospoon". Exit the credits and you are in The Matrix.  2016/01/27 - 00:35:05

Titanera bidaia

2005eko urtarrilean zunda bat Saturno planetaren ilargia den Tintanen lur hartu zuen. Garaiko irudiak hartuta, Saturnoren orbitan geratu zen Cassini zundarenak eta Titanen lurreratu zen Huygensenenak, bideoa osatu dute, Saturnoren orbitatik abiatuta Titan mundu txikiaren lurrazaleraino eta zinez bideoa zoragarria dela. Zundak aurkitutakoa historia da jada, baina laburbilduz, gainazalean likidoa duen Eguzki Sistemako leku bakarra, gure Lurra kenduta noski. Soilik Titanen ibaiak eta itsasoak metanoz osaturik daudela, eta mendiak ur-izotzaz. Zoragarria.  2016/01/20 - 01:47:14